नागपूर विद्यापीठ: आता फक्त विद्यार्थ्यांनाच देता येणार मोक टेस्ट.

राष्ट्रसंत तुकडोजी महाराज नागपूर विद्यापीठाने ऑनलाईन परीक्षेसाठी विशेष मोबाईल अँप तयार केले आहे .परीक्षेचा अंदाज यावा यासाठी अगोदर कुणीही मोक टेस्ट देऊ शकत होते . मात्र आता केवळ विद्यार्थ्यांनाच ही मोक टेस्ट देता येणार आहे. दरम्यान परीक्षेसाठी ऑनलाईन ओळख पत्रांचे वाटप सुरू झाले असून त्यातच युजर आयडी व पासवर्ड चा समावेश राहणार आहे.

परीक्षासाठी मोबाईल अँप तयार करणारे नागपूूर  

विद्यापिठ ठरले . मात्र mock test वरून विद्यापीठावर काही लोकांनी टीका करण्यास सुरुवात केली मात्र ही परीक्षा नेमकी कशी असेल व उत्तरे अशा पद्धतीने द्यावी लागतील याचा अंदाज यावा यासाठीही मॉक टेस्ट आहे. वेळेच्या अभावामुळे विषयनिहाय मग टेस्ट घेणे शक्य नसल्याचे परीक्षा विभागातील अधिकाऱ्यांनी स्पष्ट केले. दरम्यान विद्यापीठातील सुमारे 70 हजार विद्यार्थी ऑनलाईन परीक्षा देणार आहे. प्रत्यक्षात तीन लाखाहून अधिक विद्यार्थ्यांनी ॲप डाऊनलोड केले होते. त्यातील अनेकांची टेस्ट देण्याचा प्रयत्न केला. त्यामुळे विद्यापीठाच्या सर्वर वर तान आला. हीच बाब लक्षात घेत विद्यापीठाने मॉक टेस्ट केवळ विद्यार्थ्यांनाच देता येईल, असे निश्चित केले आहे. विद्यापीठाकडे मोबाइल क्रमांकाची नोंद असलेल्या विद्यार्थ्यांना ही सराव परीक्षा देता येणार आहे सराव परीक्षेच्या पर्यायावर केल्यास विद्यार्थ्यांच्या नोंदणी क्रमांकावर आधी ओटीपी येणार असून त्यानंतरच विद्यार्थीही परीक्षा देऊ शकणार आहेत.

 ( विद्यार्थ्यांपर्यंत ओळखपत्र महाविद्यालयांनी पोहोचवावी)

नागपूर विद्यापीठाच्या अंतिम वर्षांचा ऑनलाईन परीक्षांना एक ऑक्टोंबर पासून सुरुवात होणार आहे. यंदा विद्यापीठाने परीक्षेसाठी ऑनलाईन ओळखपत्र पाठविले आहे. हे सर्व ओळखपत्र महाविद्यालयांना आले असून इथून ते विद्यार्थ्यांना जाणार आहे. विद्यार्थ्यांपर्यंत ओळखपत्र ई-मेल व्हाट्सअप किंवा प्रत्यक्ष पोहोचविण्याची जबाबदारी महाविद्यालयाची राहणार आहे. असे परीक्षा व मूल्यमापन संचालक डॉ. प्रफुल्ल साबळे यांनी स्पष्ट केले.